Popular Posts

Friday, October 1, 2010

.ഒടുവിൽ

ഒടുവിൽ....

ചിതയടങ്ങിയതും മക്കൾ,

അമ്മയുടെ അമ്മുവും

പൊന്നുമോനും

സ്വത്ത് പകുത്തെടുത്തു

ഒടുവിൽ,

ഒരു സെന്റ് ബാക്കിയായി-

അമ്മയുടെ ചൂടും ചൂരുമുറഞ്ഞ ഭൂമി

അമ്മയെ അടക്കിയ ഭൂമി

ഇതു പൊതുവായി നിൽക്കട്ടെ

-മകൾ പറഞ്ഞു

ഒരു റോഡ് നഗരത്തിൽ നിന്ന്

പുറപ്പെട്ടിട്ടുണ്ട്,

ഇവിടെയെത്തിയാൽ സെന്റിന്

ലക്ഷങ്ങളാ

-മകൻ പറഞ്ഞു

അങ്ങനെ അമ്മ

നെഞ്ചിൽ ഒരു മതിൽ പേറി കിടന്നു..

****

2 comments:

  1. ഇവിടെ അടുത്ത്, ഏതാനും വർഷം മുൻപ് 1ലക്ഷത്തിന് സ്വത്ത് വിറ്റപ്പോൾ അമ്മയുടെ ശവം അടക്കിയ സ്ഥലം മാത്രം ബാക്കി വന്നു. ടൌണായി മാറിയപ്പോൾ അത് വിറ്റ് കിട്ടിയത് 4ലക്ഷം. ഇതാണ് സ്ഥലകാലം.
    ഇംഗ്ലീഷിലുള്ള ഈ വേഡ് വരിഫിക്കേഷൻ ഒഴിവാക്കിയാൽ നല്ലത്.

    ReplyDelete
  2. കഥയും ജീവിതവും ഏതോ നേർത്ത വരയിൽ ഒന്നാകുന്നു...അമ്മ സമ്പാദിച്ചു തന്നത് നാലു ലക്ഷം?

    ReplyDelete